قارئة الفنجان يكتبها ابو برو الحلبي
احمد هنانو دبوس
CIA : إنهيار " اسرائيل " خلال 20 عاما المقبلة أمر محتوم
سمعت خبر دوخني وهو انه المخابرات الامليكية ( الامريكية ) CIA وردت اعرف على قدر فهمي وعلمي ايش هي اخونا ابو جهاد قال لي الـ : C = س بالعربي يعني سبايا والـ A حرف ي يعني يا I حرف الالف يعني يا اولاد الزنا !! الخبر بيقول من انه دولة الكيان الصهيوني يعني " اسرائيل " بدها تزول بعد خمسين سنة وانا من الناس المتفائلين جدا جدا قلت هدا كلام فاضي لازم اشوف خالتي ام عارف واسالها وتشوف لي الفنجان زرتها بعد صلاة الجمعة ورحبت عالعادة وركوة القهوة جاهزة وسالتني ايش حكايتك يا ابو برو مالك على بعضك ؟؟؟ قلتلها يا خالتي ام عارف شغلة دوختني وما عم بقدر انام مع اولاد الحرام والله يخليك شوفي لي في الفنجان ايش حكاية هالخبر ؟؟؟
وحكيتها القصة عن زوال دولة الجبابرة والقوة والعظمة التي لا تقهر
قال العم لينين من انه السيلاسة ( السياسة ) علم رياضيات يعني واحد وواحد بيساوا تنين والعبد لله ما بيعرف يعد اكتر للعشرة قلت لنفسي والله لازم ازور خالتنا ام عارف قارئة الفنجان يمكن تنورنا والله ينور عليها دنيا وآخرة ؟؟؟؟
--------
بالاذن من شاعرنا الكبير المرحوم نزار قباني بتغيير بعض مقاطع القصيدة
جلست .. والخوف بعينيها
تتأمل فنجاني المقلوب
قالت : يا ولدي يا ابو برو لا تحزن
الظلم والطغاة والقتلة هوا قدر اهلك المكتوب جلست .. والخوف بعينيها
تتأمل فنجاني المقلوب
قالت : يا ولدي لا تحزن
زوال القتلة والمجرمين الصهاينة على شعبنا هوا المكتوب
جلست
.. والخوف
بعينيها
تتأمل فنجاني
المقلوب
قالت : ياولدي
لا تحزن
لو صمدت حماس 10
سنين وتركت التحالف مع الفرس المجوس ما بتطول دولة العصابات
وهوا
المكتوب
ولو الله خلصنا من الخونة حكامنا بيبقى لدولة الصهاينة 5 سنين وهدا هو المطلوب
يا ولدي .. قد مات
شهيداً
من مات على دين
سحق الغزاة والخونة والصهاينة
وغسل
العيوب
المهم يا ولدي ابو برو لا تحزن قربة ساعة الفرج لانه الصبح قرب ومصير القتلة الصهاينة المحتوم
وقالت مرة ثانية :
قالت : ياولدي ابو برو
لا تحزن
فالجهاد عليك
وعلى شعبنا
هوا
المكتوب
يا ولدي .. قد
مات شهيداً
من مات على دين
سحق الغزاة والخونة ودولة صهيون وغسل
العيوب
وبعدما خلصت قلتلها الله يخليك ويديمك علينا يا خالتي ام عارف وانت ست العارفين لانك ريحتيني وبقدر بقى انام وبالي مرتاح !!!!
وبعدما سمعت كلام خالتنا ام عارف واخونا ابو جهاد قلت لابوجهاد والله صحيح انه العلم نورن وقال لي ابو جهاد بدون النون وفكرت بيني وبين نفسي ازور دور محو الامية !!!
وحتى متل ما بيقوله البرهان بالصوت والصورة وانا بعرف انو صوتي مو كتير كويس فكرت بالكلمة والصورة !! وطوبى لنا اذا اصبنا وحشرنا مع الصياع والملاحقين الى يوم الدين يا اولاد حارتي